ભર ઉનાળે
વરસ્યો મેઘ…
કોઈ કારણ હશે ?
*
કેમ મારું મન અધીરું થાય છે કારણ વગર ?
લાગે છે, તું યાદમાં અટવાય છે કારણ વગર.
તું હૃદયમાં એમ ફરકી જાય છે કારણ વગર,
જેમ નભમાં વીજળી ચમકાય છે કારણ વગર.
એમ તો, શોધ્યો મળે નહીં ક્યાંય તું આયાસથી,
ને કદી કણકણમાં તું દેખાય છે કારણ વગર.
કેટલી કોશિશ કરું- તું યાદ નહીં આવે મને !
…પણ છતાંયે ધ્યાન લાગી જાય છે કારણ વગર.
મેં તને પૂર્યો કવનનાં શબ્દમાં મોઘમ, સખા !
તોયે આવી ટેરવે ટકરાય છે કારણ વગર.
-’ઊર્મિ’ (જાન્યુ. 2008)
skip to main |
skip to sidebar
એક નાનકડો પ્રયત્ન બ્લોગ લખવાનો...મિત્રો પાસેથી પ્રેરણા લઈને કરૂ છું.... ભુલચુક માફ કરી વાંચશો....અને સુધારાઓ અવશ્ય સુચવશો.... બીજું કે બ્લોગમાં મેં લીધેલી રચનાઓ ઍ મારું સંકલન છે,અમુક વખતે આ કોની રચના છે તેની મને ખબર ન પણ હોય તો હું તે પ્રસિધ્ધ કરી શકું નહીં તેવા કિસ્સામાં સર્જક મને માફ કરે તેવી વિનંતિ.....અથવા તો મિત્રો મારું ધ્યાન દોરે તેવી પણ વિનંતિ....
Posts
Everything that happens is always good for those who love God....
No comments:
Post a Comment